Lunglei Zotlangah Ruang Chhar

March 16 zingkar khan Zotlang-ah ruang chhar a ni a. He ruang hi Lalrokima (48) S/o Darchuha (L) Zotlang a ni tih finfiah nghal a ni. Thudawn danin, Lalrokima hi mahni chauha awm niin, March 16 zing khan a chenna inah thisen hmuh a nih laiin, amah tak erawh a awm-na hriat a ni loh avangin mi thenkhat ngaih tha lo chuan  a in chhunga thisen far chu a hnu chhui-in, a chenna In atanga ft. 260 vela hla, bawlh-hlawh paihna bul kawr-ah ruang hi an chhar ta a ni.

Buannel

Read More

Pathian nena lendun

Upa L.H. Rohmingliana, Evangelistic Team Speaker

Zaninah hian kei tehlul Revival Centenary kharna Programme-a Pathian Thuchah (tawi) sawi tura min ruat ve hi Pathian leh kan hotute chungah ka lawm hle a ni. Programme-ah thupui thlan a awm loh avangin Revival Committee-in thupui a hman mek ‘Pathian nena lendun’ (Mika 6:8) tih hi sawi turin ka inbuatsaih ve tawp mai a, tunlaia a ringtute tan pawh tul hlein ka hria. 

1.         Engvangin nge he thu hi Pathian mite hnenah puan a nih? :

Pathian mi Israelte khan Pathian biaknaa an tih thin pangngai inthawinate an hlan mup mup reng a, mahse a hlantute kha Pathian nen an lengdun si lova, thil chu an ti nasa a, a titute nun Lalpan a chang si lova, khawvelin a chang zawk tlat a ni. Pathian kiangah an awm peih si lova, an thinlung ngaihtuahna pawh khawvel thilin a khat si a ni. Chuvang chuan Pathianin ‘Thilpeka tlawn lungawi chi ka ni lo; Bawng no kum khat mi, Berampa sang emaw Hriak lui sing emaw hlan ngawt hi ka lawmna a ni lo, chung zawng zawng chu ka nei vek, ka ta a ni si. A hlantu nangmah ngei kha chan pumhlum che ka duh a, I lengdun teh ang’ a ti a ni. Keini ho pawh hi Pathian tan thil kan ti nasain tih tur tha thar pawh kan hre thei, thil lawmawm tak pawh a ni. Amaherawhchu kan nun Pathianin a chang si lova. Pathian lak atangin kan hla si a, lendun pui turin min ko thar leh ta a nih hi!

Read More

UN chief hails release of Suu Kyi, calls her 'inspiration'

UN Secretary General Ban Ki-moon Saturday praised the release of Myanmar democracy icon Aung San Suu Kyi and called for greater freedom in the Asian country.
< 'Her dignity and courage in the face of injustice have been an inspiration to many people around the world,' including the secretary general himself, a statement from Ban's office said.

It went on to urge Myanmar's ruling military government to ensure that 'no further restrictions will be placed on her'.

The statement said it was 'deeply regrettable' that Suu Kyi was excluded from elections in Myanmar last week. The poll was generally seen as a sham by most Western capitals.

'Democracy and national reconciliation require that all citizens of Myanmar are free to participate as they wish in the political life of their country,' Ban said.

Suu Kyi has spent 15 out of the last 20 years under some form of detention or house arrest - ever since her party, the National League for Democracy, won the 1990 elections. The results of that vote were ruled invalid by the military, to much international outcry. Myanmar News

Read More

Krista tuarna ka ngaihtuahin

                      By Denis Lalfela, Rome 

                 Lal Isuan a thih tur thu leh thihna hneha a thawhleh tur thu chiang takin a lo sawi thin. Temple a tlawh tum khan “He in hi tichhia ulang, ni thum chhungin ka tungding leh ang” (John 2:19) tiin chhinchhiahna beisei tlat Juda mite chu a cho a nih kha! Kum sawmli paruk lai an lo sak ni thum chhung leka tungding leh thei a a inchhal meuh chuan Juda hote an thinrim hle mai. Mahse Lal Isuan a ma taksa (in), thi a tho leh tur chungchang a sawi zawk si a. “Tupawhin mi zui a duh chuan mahni hrehawm pawisa lovin, nitin a Kraws puin mi zui rawh se” tiin min sawm theuh a. Inthlahdah thei kan nih loh avangin nitina Kraws put a ngai anih chu! Kan thlarau kawng hi chhuk chho tak, tih hràm nun mamawh, tlawmna leh dawhtheihna nun tel lova awm thei lo a ni a; chuvang a tluk hial chàng pawh nei kan ni. Chauh chang awm mahse tlu hlen lova kan thawhleh zel hi Krista duhdan a ni. “Mi chak chu chaklohna nei lo mi ni lovin, a chakloh laia chakna pe thei Isua auh nachang hre mi chu a ni zawk” an lo tih thin hi a va dik em! Krista tuarna leh Kraws thiltihtheihna i thlir ho dawn teh ang.

                    Juda mi ten misual thah nana an hman uar ber chu lung a den hlum a ni. Hebrai mite thuziak atangin inhàlna leh innghaisaknate pawh an hmang tih hriat a ni. Mak tak mai chu, kraws a inkhenbeh hi Juda miten an uar ve tlat lo. Chutih rualin Rome mite chuan kraws a misual khenbeh chu an uar em em thung. Mi hnuaihnung zawk te, chhiahhlawhte, rùkrute, tuatthatte leh ram awptu laka helte chu an khengbet tlangpui. Chutiang zingah kan Lalpa chu telin thihna rapthlak leh mualpho thlak ber a tuar a ni. Kraws a inkhenbeh chu tihnamai lo tak, tlawm thlak ngawih ngawih a ni. Chutianga danin thiamloh a chantirte chu an khenbeh hmain nasa takin an nghaisa thin. Lal Isua tuarna namen lo chu kan mitthla thei awm e; lung pawh a tichhe hle mai tirawh u! Mahse Isuan a Pa thu a awih em avangin heng zawng zawng hi a tuar hmiah hmiah a; kan chhandamna atana a inpekna chu a tawp thlengin a hlen ta a ni. A thihna chuan a zuitute chu hmelmate nuih tizatu ah a siam a. Mahse thihna chu a tawpna a ni si lo; thihna hnehin a tho leh si. Van kawng atan a inbuatsaihna mai a ni zawk. A thawhlehna hmanga min awmpuina kum hlun chu a hmangaihna thianghlim tak rah chu a ni.

Read More

KRISTMAS

Upa R.Rozika

BCM Electric Veng

Lunglei Kumin chu Krismas hlain kan inkhawm boruak a luah hma viau mai. Lal Isua piancham ‘Krismas’ chu kan hma lawkah a rawn inher chhuak leh dawn ta, Pathian zarah dam taka thleng tlang turah inngai ila, Krismas kan thleng leh tur hi Pathian malsawmna a ni a, lawmthu sawi mawlh mawlh tur kan ni. Krismas hun hi chu hun ropui ber a ni a, kan hmuah dan pawh a dang tlat zel mai. Khawvel pumpuiah kan hun nghahhlelh, Mizo tan phei chuan a aia hun ropui zawk kan neih miah loh, hun ropui bika kan ngaih a ni. Kan hla phuahtute’n a season nena inhmeh hla ropui tak tak an siam a. Thlasik vur daifim te, Sikni eng mawi te, Tlaizawng par leh pholeng par te, Kumsul vei te hi, Bethlehem bawng in tlawm leh ranthleng te, Berampute leh van angel zai mawi rite nen kan thinlungah nghet takin min suih zawmsak a, Krismas hi Mizo culture-ah hian nghet takin a bet tlat tawh a ni.

Read More

Hmangaih vangin

HMANGAIH VANGIN

 

Dina Tlau

Zing ni chhuak eng mawi tak mai han thlir hi chuan zuamawm tak a ni. Chawhnu lama hlo thlawh paha tlak deng ni sa han tuar erawh hi chuan, khabe leh kiu-ah thlantui a far zung zung mai a, heti em em hian ni hi a sa thei a lo ni maw tih mai awl a ni. Chu ni ngai chu khawchhak kil atangin tuk chhiar sen loh a chhuak tawh a, a chhuah zat chhiar seng lo mah ila, a chhuah zat chiah khawtlang kawlkilah a tla leh a ni tih kan hria.
Turnipui khi
Hringfa engzat hi nge a enna zara nunga, a lumna hmanga chawm len ni tawh tih kan hre lo. Chutiang thil hre ber tur turnipui lah chu ngawi rengin a kal ngaiin a kal a, duhsak bik leh thlei bik nei hauh lovin a chhuakin a tla mawlh mawlh mai a ni. Chu chu hria-in pathlawi lungleng Laltanpuia chuan,
Turni khian kalkham hmel duh a tawng   ngai lo
Kei zawng ka lawmna tur reng a’n   maw,
Thaikawi thiam dawi ang dawm mah la
|uanrel kal Parte i kham leh thin!
.. tiin a tuanrel kham thei khawp Parteii chu hlain a lo chawi tawh a ni. Ni nge a chawimawi a bialnu tih pawh hrethiam chiah lo mah ila, hla lungkuai tak zawng a ni  phawt mai.
Vawmkur Mual
Sawi tak ang khan, a changa a lum ai nuam tak hi chhun pachangah chuan nelawm lo tak a ni. Tl^k deng ni sa nelawm lohzia chu Vawmkur mual mawnga bung nupa tuak khatte hian an hre chiang teh asin. Chaw fak zawhah hmanhmawh takin helai tlak deng pangper hi an pan a. Lo mawng atangin a thiangin an bung dun rial rial a, an hah em avangin an thlan tuiin an hmai a tirang niu niau tawh a, mahse, hah hre ve ngai lo ang mai hian an tang sauh sauh tho mai. An tan hahthlak mah se, chu ni sa chu an hlo thlawh tanpuitu a ni tih an hria a, ni sa chuan an hlo rih thlukte chu a em hlum vek dawn tih an hre tlat a, ni sa chu tlanchhiatsan a hnehin an ^m zawk a ni.
Chu mai a ni lo, chutiang nunphung thlakhlelh nachang hretu chhungkua-ah an seilian tlat a. A fal lehnghala hmangaih berte nena insi riala hlo thlawh dun  nawmzia leh hlimawmzia chu an lo hre fo tawh a, chuvangin, ni sa vawl vawl chuan an inhmangaihna leh inthlâkhlelhna a em dal zo lo. Hlo r$t khawk tawn tawn chungin an titi a, an inmelh a, an nui dun a. Vaivut khu, tho thak leh thlansa kara inhrethiam taka an han insiai zauh te chu a man chhiar sen rual loh khawpin a hlu tlat a ni.
Chawlhna tui kam
Hahdam tan chuan chawlh hi thil naran a ni ang bawkin, thlan tla tan chuan thlifim hi a hlu bik  a. An sira thing hlimah chuan inhaw miah lo tih hriat tak hian an han thu thlandai a. An pual liau liauva a hranpa-a lo thleng hlim ni awm tak thli fim lo thaw heuh heuh chu nuam ti takin an dawng dun a. Tuithawla tui an han khiat khawlh khawlh a. Thlan tla khawpa hna thawh chu mi tamtakin an hlauh leh an tlanchhiatsan ni mah se, anni nupa  chuan thawhrimna leh hrehawmna chu an hmachhawn a; inhmangaihna lantirna remchangah an hmang tlat a, an lakah ni sa chu a tlawm der mai. Hausak te chu duh te pawh an duh ve ang, mahse an retheih vangin an vui ngai lova, an phunnawi hek lo.
Vawmkur mual lama lo neih hi tam tak chuan an peih lo. Tlakdeng nisa-in a hem ngawt ngawt a, haw kawng lah a chho ulh kikawi si, thalah tui a awm tha lo lehnghal nen; motor emaw tawlailir emaw kal theihna lama neih an duh deuh vek zawk a ni.
Lo sul haw hun
Tlai a lo ni a, ni suk chen awrh  a awm ta tihah Lianthuama leh Biakngheti te nupa pawh zawi muangin an rawn inawi chho bek bek zel a. Biakngheti chu a hmasa zawkah dawrawn khat thura thlai rah phurin a kal a, a sam chhawlleng chu thlan tuiin a tihnawm chap a, a khat tawkin a hui leh pap thin a, a hnungah chuan a pasal Lianthuama’n a rawn chhawm a, ani pawhin empai khat thurin hnephnawl a phur bawk a, a nghawngkawl hrui chuan a uai kun chal a, a ke veilam a khai rual chiah chuan a rum nghat nghat zel a, thlanin a bual huh vek tawh a.
Kal pahin Lianthuama chuan an fanu upa ber Chhante-i a ngaihtuah nauh nauh a, vawiin an sikul chawlh ni a ni a, a naute pahnih a lo awm ang chu; rin tur dang awm hek lo le, an han ring ve ngawt zel mai a ni a, mahse a naupan ai hian a fel fe reuh a, a che fel leh thlep thin. Lehkha a thiam theih avangin thenawmte pawhin sâp sikula lut ve atan an $t a, Lianthuama pawh chuan sâp sikula han dah ve chhin pawh chu a châk ru hle thin a, a fanu chu thenawm naute aiin a nep bik hauh lovang tih pawh a hria, mahse sorkar sikul-ah hian pakhatna a ni ziah tho a, an zirtirtute lahin an duhsak em em a, a zahpuiawm lo tawk chuan a thiam ve tho vang tiin a ngaihtuah a.
Aizawl bazar chawmtu
Kawtchhuahah an faten an lo hmuak a. Thingtlang nu leh pa tan chuan lo sul haw hmuak fate hmel han hmuh hian hah a dam sawng sawng a, dam man hi a awm ngawih ngawih mai a ni.
Fate nena inkai diah diah chunga an in an thlen meuh chuan khua a thim dawn ruai tawh a, an thlai rah phurh chu chhuatah an bun vum thur a, a lian deuh deuhte chu bang thlang lamah a lum thla rum rum a. Naupang hlim an te chel chul a. A chhia chhia chu an ei turin an dah hrang a, tha tha chu zing Bus-ah Aizawl bazar lama zawrh turin an thawn dawn a ni.
Mahni thlai thar zinga a tha ei phak lova a chhia chhia ei kumtluan mai chu mi tamtak chuan a retheihthlak an ti ngawt ang. Lianthuama te nupa hi chuan retheihthlak an ti lova, a tha  tha eithei chhungkuate an itsik lova, chutiang dinhmuna awmtirtu Pathian lakah an vui hek lo. Chu ai chuan, pawisa neite chuan an thlai tha thate chu leisak sela chumi manin an fate zirlaibu te an lei thei dawn tih an hre tlat a ni.
A nuam a sin
Khawpui nuho office haw angin an awmpuite tirh tur an nei ve lem lo. Anmahni ngeiin an thlai hawnte chu an han chingfel zung zung a, chumi zawhah thutthlengah an han thu vang vang a. “Ka nu a lo haw hun chuan...” tia nilenga thlahlel taka lo nghaktu an fate chuan an nu leh pate hnathawh kawr bal leh thlan rim nam rum rum te chu hnualsuat phah hauh lovin, an malchunga lawn an inchuh a, an lo pawm chuk chuk a.
A nu malchunga thut pahin an pang ber chuan “Anu, feh chu a nuam em?” tiin a zawt a.
Biakngheti chuan chhang mai lovin a pasal hmel hlim tak chu a va melh ralh a, Lianthuama chuan hrethiam takin a lo siai zauh a. A fanu, engmah hre thiam ve lo lam chu a hawi a.
“Nuam e. Mami, ‘feh’ hi a nuam a sin!”
An siamtu tan chuan chu chhungkua chu an va han hlu dawn tehlul em! Lengzem

Read More