Malaysia ramah chhawng 100 sak tum

 ​                   

​Permodalan Nasional Berhad [PNB] rorelna atangin Kuala Lumpur Khawpuia building chhawng 100 sak tura ruahmanna neih a ni tawh. An beisei dan chuan kum 2015 khian zawh fel tur a ni. A building hming tur hi Warisan Merdeka ( Heritage of Independence ) a ni a, RM5 Billion sengso tura ruahman a ni. A chhung chu Shopping leh Office hmun atana duan a ni bawk.

                   He project hian sawi neuh neuh tur thu leh hla a nei ve nuala, mi then khat chuan heng mai maia cheng chuti zozai khawhral te chu an ti. A thenin an cheng sen ral tur hi kawng siam nan te, zirna lam tanpui nante leh thil dang tul tam takah hman zawk tur a nia an ti ve bawk. Malaysia Prime Minister Najib Razak-a chuan he thil hi cheng hman ral mai maina tur a ni lova, hlawkna tam tak a rawn cho chhuak dawn a ni a ti.

                   I ring emaw chu, a ram mi mi then khat chuan Malaysia King-in sak a la phal lo an tia ni awm e. Tunah hian An lal ber tan chuan Twin Tower khi sang ber leh khawvelah pawh chal lang ve takah a ngai a. Malaysia hmel timawitu a ni tih hi a ring tlata, chutih maia a aia sang an rawn din tur hi a la ngai ngam lo a ni. In duh leh ka awm loh hnuah rawn din rawh u a ti an tia lawm. Tun thleng hian chhawng 100 building tur chu sak tan a la ni lo. Nikum lama Magazine pakhat ka chhiarnaah chuan an Director lu ber hming sign chiah an nghah thu an tarlang a ni.