Kan hnung thlaa Israel-in Gaza-ah Hamas-ho a beih hrep khan mi tam takin nunna an chan a ni a. In le lo hloh pawh tam tak an awm. An buaina a zawh fel meuh zawngin tun din leh siam that tur a thuah thipin a awm nghal. Israel leh Palestina official sawi danin March thla tir lam khian US State Secretary Hillary Clinton-i pawh Israel leh West Bank a tlawh ang. Hei hi State Secy a nih hnua a trip hmasa berna tur a ni. Clinton-i hian Asia a rawn fan lai khan March 2 khian Egypt ramah ram hrang hrang hruaitute in hmukhawma Gaza tun din leh nan puihna pek dan tur ngaihtuahho a nih tur thu a lo sawi tawh. US atang hian eng tiangin nge an puih ang tih chip chiarin sawi lo mah se, US Sorkarin a sawi thawi danin a tlem berah Dollar maktaduai 900 a nih hmel. Thu chhuah chu siam a la ni chiah lo. US sorkar lamin an sawi chhunzawm lehnaah chuan puihna an pek tur hi Hamas-ho hnenah pek tur a ni lo vanga, US in a hriatpui (recognize) Palestinian President Mahmoud Abbas leh Hamas nena inkaihhnawih ni lo Islamic sipai pawl hrana awm vete hnenah pek a ni ang. Chu pawl chu Palestine ram sorkarnaa tel an ni lo naa a puitu turin a remtihpui an ni. Israel sorkar sawi dan chuan March 2 khian Clinton-i'n an ram a tlawh ang.
0 comments:
Post a Comment
Leave a message