Federal Bureau of Investigation (FBI) USA-in man tur atana an tih pawimawh ber mi sawm a thlan chhuahte an ni. An man tur mihring azirin hlawh pawh a tha hnem e.
Jorge Alberto Lopez-Orozco ( Kum 32 )
Hei lo hi koh dan chi li a la nei. Mexico ram mi a ni. Elmore county, Idaho-ah nufa thum (mipa naupang kum hnih leh kum li mi) August 2002 khan a kap hlum. He pa man theitu chu FBI-in US $ 100,000 atanga chung lam emaw a pe ang.
Usama Bin Laden ( Kum 51 )
Hei lo hi koh dan chi riat a la nei. Saudi Arabia ram mi a ni. August 7, 1998 khan US embassy pahnih, Dar Es Salaam, Tanzania mi leh Nairobi, Kenya-a mite bomb hmanga a beihnaah mi 200 an thi. Chubakah, khawvel huap nunrawng taka che pawlah rinhlelh a ni. US Justice Program angin Dollar maktaduai 25 atanga chung lam hlan tur a ni. Hei bakah hian Airline Pilots Association leh Air Transport Association te inkawpin dollar maktaduai 2 an pe bawk ang.
Jason Derek Brown ( Kum 39 )
Hei lo hi koh dan chi sarih a la nei. USA ram mi a ni. A ni hi November 2004 khan mi a thah leh a suam vang a ni. Lawmman tur hi FBI in dollar nuai khat leh a chung lam a ni ang.
James J. Bulger ( Kum 79 )
Hei lo hi koh dan chi sawm lai a la nei. America ram mi a nia sorkar duh loh zawng thil tih ching pawlho chi khat hotu a ni. A ni hi 1970 vel atang tawh khan mi thah a ching. Sorkar dodal thil damdawi leh eng emawa sumdawng a ni. Engtik lai pawhin chem a keng ni a hriat a ni bawk. Lawmman tur hi FBI in dollar maktaduai 2 a hlan ang.
Emigdio Preciado Jr. ( Kum 39 )
Hei lo hi koh dan chi 13 lai a nei. America mi a ni. A ni hi September 2000 khan silaiin police officer pahnih kahhlum a tum vang a ni. Pakhat chu a tukthlu. March 2008 khan puanzar nawn leh a ni. Lawmman tur hi FBI in dollar nuai khat leh singnga chin chung lam a pe ang.
Robert William Fisher ( Kum 47 )
Hei lo hi chi khat a la nei. America ram mi a ni. A ni hi 2001 khan a nupui leh naupang pahnih a that. Lawmman hi FBI in dollar nuai khat chin chung lam a pe ang. 2005 ah tlangzarh nawn leh a ni.
Victor Manuel Gerena ( Kum 50 )
Hei lo hi koh dan chi hnih a la nei. America ram mi a ni. A ni hi 1983 kuma Security Company rawknaah a tel. Dollar maktaduai 7 vel an la. 2004 kumah tlangzarh thar leh a ni. Lawmman hi FBI in dollar maktaduai khat a pe ang.
Glen Stewart Godwin ( Kum 50 )
Hei lo hi koh dan chi 7 a la nei. America ram mi a ni. A ni hi 1987 kum khan mi a thah avangin California lung inah a tang. Hmuh dangah an sawn leh. 1991 kum khan mi a that leha, a tlan bo. 2005 kum khan tlangzarh nawn leh a ni. Lawmman tur hi FBI in dollar nuai khat chung lam emaw a pe ang.
Michael Jason Registe ( Kum 26 )
Hei lo hi koh dan chi 7 a la nei. America ram mi a ni. A ni hi July 2007 khan mi pahnih a kap hlum. Lawmman tur hi FBI in dollar nuai khat chin a pe ang.
July 2008 khan tlangzarh nawn leh a ni.
Alexis Flores ( Kum 33 )
Hei lo hi koh dan chi 5 a la nei. Honduras ram mi a ni. A ni hi Philadelphia-a hmeichhe naupang kum 5 mi kidnap-naah a tel. July 2000 khan naupang chu a bo tiin an report-a August thlaah a thiin an hmu. Lawmman hi FBI in dollar nuai khat chin a pe ang. May 2007 khan tlangzarh nawn leh a ni.
Source: >> FBI
0 comments:
Post a Comment
Leave a message