Mizoram Presbyterian Kohhran Synod Moderator, Rev. Chanchinmawia, nikum October 1-ah a chenna Pastor Quarters-a thi ta kha; a thih dan chhui chiang turin Mizoram State sorkar-in Central Bureau of Investigation ( CBI ), India a pun a ni. CBI atanga lo kalte chu DSP Hari Singh hi a hruaitu niin Inspector Kailash Sahu leh S.I. Pramod Tanwar-te an ni. October 13 khan an hna an tan nghal. Rev. Chanchinmawia thih danah hian sawi neuh neuh a tama, Mizoram police Special Investigation Team (SIT) chhuina, a thih dan chungchanga mi dang inrawlh awm theihna awm an hmuh lohna pawh rihhlelh a ni. SIT report-naah lungawi lohna a awm avang te, political party hrang hrangin an rinhlelh vang te leh Synod pawhin mahni in that nia an rih theih loh thu an chhuah avang tein Mizoram sorkarin CBI chhui tir a rem ti a ni.
Source:Vanglaini
0 comments:
Post a Comment
Leave a message