Kum 2008 January thla atanga September thla tawp inkarah thlawhtheihna chesual vawi 17 a awm a ni. Kum 2007 chhung khan vawi 24 a awma, chumi zinga mihring thih hnem ber tumah mi 199 an thi. A dawttuah mi 102.
2008 January atang September thla inkara thlawhtheihna chesualte:
Asian Spirit Flight 321 (asianspirit)
January 2, 2008 khan a ni. Asian Sprit ( tun hnuah Zest Airways, Inc. ) airline hi Pasay City, Manila, Philippines-a innghat a ni. Manila atang Masbate Airport-ah tum turin a thlawk. A tumna tur hmun a va thlen hian thli tleh dan
dangdai tak mai, microburst (Picture) an tih hi a lo tleh hlauh vang a chesual a ni. A khawl bungrua chiangkuan loh vang chu a ni lo. Thlawhna chunga chuang an vaiin mi 47 an ni. A han tum, kalkawnga a rawn tlan kha a khalhtuten an ven hneh theih loh vanga tum lohna lama tlan tlang ta a ni. Thi an awm lova chuti taka inhliam an awm lo bawk. A thlawhna chi hi NAMC YS-11, Japan siam a ni.
Transaven Turbolet
January 4, 2008 khan a ni. Thlawhna hi Let L-410 Turbolet a ni a, Czechoslovakia ramah 1987 kuma an siam a ni. hlawhna hi Simon Bolivar International Airport atang atlantic tuifinriat thliarkar pakhat Los Roques Airport, Venezuela-a tum tur a ni. A tumna tur a thlen hma tuifinriat chung feet 3000 vela sangah a awm laiin a khawl a chiangkuan loh vangin a tla. An vaia chuang mi 14 anni a, an thi fai vek.Air Canada Flight 190 (aircanada)
January 10, 2008 khan a ni. A thlawhna chi hi Airbus A319 a ni a, Victoria International Airport, British Columbia, Canada atang Toronto Pearson International Airport, Ontario, Canada-a tum tur a ni. Passenger mi 83 leh a thawktute mi 5 an vaiin mi 88 an chuang. An thlawh chhuah hnuah a khalhtute control-na lam computer a chiang ta lova, Calgary International Airport-ah emergency landing turin an dil. Zing dar 6:20 vela chhuak kha a hnu minute 20 velah a chiang ta lo a ni a; chuan, emergency-a an tumna tur Calgary hi dar 8:30 vela thleng tur a ni. A hmun thlen hma si dar 8:00 vela Rocky Mountains chunga an thlawh laiin Cranbook, British Colombia kiangah a chesual ta a ni. Mitthi an awm lova, mi 10 an inhliam.
British Airways Flight 38 (britishair)
January 17, 2008 khan a ni. British Airways hi UK ta a ni. A tlawhna chi hi Boeing 777-236ER a ni a, hetiang chi hi mi 283 atang 368 chuan theihna three-cass, a chak lam km 9695 atang 17500 in a thlawk thei. USA Boeing Commercial Airlines in 1993 atanga an siam chhuah a ni a, a man pawh US $ 200-254 million (2007) a ni. Beijing Capital International Airport, China atang London Heathrow Airport, UK-a tum tur a ni. A chhiatna London Heathrow Airport. A chetsual dan hi a duhnaa ding turin a tlanna kawng dung a sei tawk lova, a petrol lam a in pek dan a chiangkuan loh vang a ni. A rawn tlan atang fit 175 a hlaah autopilot inzawmna a chhia. Lema hmuh ang hian kawng ni lo leiah a tlan lut ta a ni. Mitthi an awm lova, in hiam erawh mi 13 an awm. Passenger mi 136 leh a thawktu mi 16 an ni.
Eagle Airways Flight 2279
February 8, 2008 khan a ni. A thlawna chi hi BAe Jetstream 32 a ni. Hei hi chu Hijacking a ni. Air New Zealand ta a ni a, Woodbourne Airport, Blenheim, New Zealand atang Christchurch International Airport, New Zealand-a tum tur a ni. A chunga chuangte hi a hijeck-tu nen an vaiin mi 9 an ni. A hijack-tu a hming Asha Ali Abdille, Somalia mi hmeichhia kum 33 mi, 1994 kumah New Zealand ramah refugee-in a lut. A thlawhchhuah hnu minute 10 velah a che tan. Pilot pahnih a va tibuai. Australia rama thlawk tlang turin a ti a ni. Pakhat a kutah a sah saka, pakhat a keah a sah sak bawk. Thlawhna chungah bomb 2 keng angin a sawi na a puak hman lo. Passenger pakhat a inhliam bawk. An dang theia, tluang takin Christchurch International Airport, New Zealand-ah tluang takin a tum thei. Hmeichhe nu, a hijack-tu chu an man nghal bawk.
Belavia Flight 1834
February 14, 2008 ah khan a ni. A thlawhna chi hi Bombardier CRJ200 a ni. Thlawhna hi Belarus rama Belavia airlines ( Belavia ) ta a ni. Zvartnots International Airport, Yerevan, Armenia atang Minsk, Belarus Airport-a tum tur a ni. A thlawh chhuah dawn hian a thla vei lamin lei a vuak a vangin leiah a innawr chhia a ni ber. A chhunga chuangte an chhuak hman. Kar lovah a kang alh vut vut mai. Mitthi an awm lova in hliam mi 10 an awm.
Santa Barbara Airlines Flight 518 (sbair)
February 21, 2008 khan a ni. A thlawhna chi hi ATR 42-300 a ni. Alberto Carnevalli Airport, Merida, Venezuela atang Simon Bolivar International Airport, Caracas, Venezuela-a tum tur a ni. Airport atanga thlawk chhuak hnuhnung ber a ni a, tlai dar 7 velah a chhuak. Andes tlang sang tak chung fit 13000 (4000m) vela a thlawh lai hian a tla a ni. An vaiin mi 46 an ni a, an thi vek. Mitthiteah hian Venezuela (a khalhtute nen) mi 42, Colombia mi 3 leh US mi 1 te an ni.
Antonov An-28 (bwair)
April 3, 2008 khan a ni. A thlawhna hi Blue Wing Airlines ta a ni. Zorg en Hoop Airport, Paramario, Suriname atang Lawa Antino Airport, Benzdorp, Suriname-a tum tur a ni. A khalhtu nu hi Blue Wing Airlines President nupui a ni. A tumna hmun hi hmun te nau, tlang chung a ni a, a rawn chhuk rawn tlan kha an veng thiam tawk lova tlang kar ruamah a tla ta a ni. Passenger 17 leh pilot 2 an vaiin mi 19 an thi vek.
A Sudanese Airline "Cline"
April 11, 2008 ah khan a ni. Thlawhna hi Ukraine siam Antonov An-32 a ni a, Kata Air Transport, Sudan ta a ni. A chetsual chhan hi a khawl (engine) a fel chiah loh vang a ni. Vienna, Austria atang a chhuaka, Chisinau International Airport, Moldova-ah a tui thunin a tum lawk. Khartoum (Antalya), Turkey-a tum turin a chhuak leh chiah kha, a khawl chian loh avangin kar lovah a rawn kir leh. A rawn tumnaah hian a chesuala a kang nghal a ni. Thlawhna hian khawnvartui 2.3 tonnes a phur.
Hewa Bora Airways Flight 122 (hbair)
April 15, 2008 khan a ni. A thlawhna chi McDonnell Douglas DC-9-51 a ni a, Hewa Bora Airways, Congo ta a ni. Goma International Airport, Democratic Republic of the Congo atanga thlawh chhuah tum a ni. A chetsual chhan hi a khawl lam chian loh vang a ni. A thlawk chhuaka rei loteah a engine pakhat a kang nghal. Tichuan, a bul hnaia khawpui, Birere market-ah a han tla. Thlawhnaa awm hi passenger mi 86 leh thawktu mi 8 te an ni. Mitthi passenger mi 3 telin a tlaknaa mihring lo awm mi 37, an vaiin mi 40 an thi. Inhliam hi passenger 40 leh a tlaknaa mihring lo awm mi 71, an vaiin mi 111 an ni bawk.
Kalitta Air (kalitta)
May 25, 2008 khan a ni. A thlawhna chi hi Boeing 747 a ni a, American Cargo Airline, USA ta a ni. Heng thlawhna chi hi an siam dan azirin passenger 400 atanga 500 chuang chuan theihna a ni. Brussels Airport atanga chhuaka Bahrain-a kal tum a ni. Sorkar lam thil leh an company lam pawimawh tana kal an ni a, passenger pakhat leh thawktu 4 te an chuang. Bungrua hi ton 76 a phur. Chuta a zahve vel chu lehkha thawn a ni. Thlawh chhuah tuma a tlan kha a tlang ta mai. Thlawhna hi hmun thumah a bung. Mihring erawh inhliam awm lovin an him piaih. Boeing 747-400, 2007 chhuak pakhat man zat hi US $ 228 - 260 million leh 747-8, 2007 chhuak hi pakhatah US $ 285.5 - 300 million-te an ni. TACA Airlines (taca)
May 30, 2008 khan a ni. A thlawhna chi hi Airbus A-320-233 a ni. Los Angeles, California, US atang a chhuak. Toncontin International Airport, Tegucigalpa, Honduras-ah a tum mek lai hian a khawl a chian loh vangin a tlan tlang ta zela, motor kawngahte, motor pawh a hrut chhe nual.A tawpah a insawh chhe ta (Lem a mi hi en la) a ni. Passenger mi 124 leh a thawktu mi 11 an vaiin mi 135 an chuang. Mitthi hi a chuang zing ami 3 leh kawng laka a chil thih mi 2 nen mi 5 an ni. Inhliam mi 65 vel an awm bawk. A thi zingah hian thlawhna pu 1, Brazil mi Honduras-a ambassador thawk nupuite an tel bawk. A thlawhna hi 2008 chhuak a ni a, a man zat US $ 73.2 - 80.6 million inkar a ni.
Sudan Airways Flight 109 (sudanair)
June 10, 2008 khan a ni. A thlawhna chi hi Airbus A310 a ni. He thlawhna a kal dan, Queen Alia International Airport, Amman, Jordan atang Damascus International Airport, Damascus, Syria-ah a tuma; chuan, Khartoum International Airport, Khartoum, Sudan-ah a tawp ang. Thlawhnaa chuangte hi passenger mi 203 thawktute mi 11 an ni. Khartoum Airport-a a rawn tum chiah hian kawnga a rawn tlan a la din theih hma siin a engine a kang a ni. Hmun hnihah a inthena, a kang alh nghal bawk. Mi 30 ruang chu hmuh a ni a, mi 6 ruang an hmu lo.
Qantas Flight 30 (qantas)
June 25, 2008 khan a ni. Thlawhna chi hi Boeing 747-438 a ni. A kal tum dan chu London Heathrow Airport atang Melbourne Airport, Australia-ah a tum ang. Marawhchu, kawng laka a thlawh mek lai hian a thla ding lam hnuai ( Picture ) a pawp hlauh mai a. Emergency-in Hong Kong International Airport-ah a tum ta a ni. Feet 29,000 a sangah a thlawka, a chian tak loh avangin passenger tan tiin feet 10,000 a hniamah a thlawhpui. Passenger mi 346 leh thawktu mi 19 an ni. Mitthi leh in hliam an awm lo.
Spanair Flight JK 5022 (spanair)
Itek Air Flight 6895 (Itek)
August 24, 2008 khan a ni. A thlawhna chi hi Boeing 737-200 a ni. A thlawh tum dan Manas International Airport, Bishkek, Kyrgyzstan atang Tehran Imam Khomeini International Airport, Tehran, Iran-ah a tum ang. An thlawh chhuah hnu minute 10 velah a khawl a chiang ta lova emergency-in rawn let leha tum a tum. A tum hmain a kang hmana, a tla ta a ni. Mihring chuang zat, passenger mi 83 leh thawktu mi 7. Mitthi zat mi 68 leh inhliam zat mi 18 an awm.
Aeroflot Flight 821 (aeroflot)
September 14, 2008 khan a ni. A thlawhna chi hi Boeing 737-505 a ni. A thlawh tum dan Sheremetyevo International Airport, Moscow, Russia atang Bolshoye Savino Airport, Perm, Russia-ah a tum ang. A tumna hmun a thlen dawn hian ni khua chhiat em vangin an be pawp hlei thei lova, kawng lah a bo bawk. Ruah a tama chhum chhia (unbroken clouds) a awm bawk nen a khawl a chian tak loh bawk vangin a tla ta a ni. A tlakna hi rel kawng a ni a, a chhe tel ve bawk. Passenger mi 82 leh thawktu mi 6, an vaiin mi 88 an thi fai vek.
0 comments:
Post a Comment
Leave a message