1988 kuma Burma Chanchin then khat - 1

Kum 1988 kuma Burma rama thil thleng then khat lakkhawmte an ni. Kim chang tak chu a ni lo.
1987 a mi tlemkan tarlang ve bawk ang.

** 1987--kumah UNO in Burma ram hi khawvela ram rethei ber list-ah a thun.
** 4.9.1987--Burma mi ram danga awm ten Kawl ram Sorkar Socialist chu duh lovin a ram chhunga Democracy sorkarna a awm theih nan tiin pawl hran CRDB an din.
** 1.9.1987--Sorkar Socialist-in 1966 kum atanga an pum bilh Buhfai lama sumdawnna chu mimal pawhin ti ve turin an phal sak tan.
** 5.9.1987--Chun dar 11:00 Radio atangin Sorkarin cheng note 75 Note, 35 Note leh 25 Note a hman theih tawh loh tur thu ( a thih thu ) an puang. Ramchhungah sum leng vel 80% a chawl bawk. Hemi zan hian Sorkarina cheng an tih thih chu lung awi lovin school naupangin kawng an zawh. Zan dar 8:00 radio atangin sorkarin university exam mek chu khar sak a nih thu an puang. School chu 26.10.1987 ah an hawn sak leha an exam an zawh veleh an khar leh nghal.
** 22.9.1987--Burma central Bank atangin cheng note 45 Note leh 90 Note an siam chuak.
** 12.3.1988--Yangon Industry University school naupang then khat leh tual chhung thalai then khatte ' Sandar Win ' Thingpui dawrah an inti buai.
** 13.3.1988--Intihbuaina avang chuan Sipai then khat hovin school naupangte chu an campus chhungah an rawn kapa, school naupang pakhat Bung Maw-a a boral nghal. School naupang then khat leh zirtirtu then khat an inhliam nual bawk.
** 14.3.1988--RIT Sipaiho university campus chungah an luta school naupang an sawisa. An man teuh bawk. Zan dar 8:00 Radio-ah school chu hun bithliah awm lovin khar a nih thu sorkarin a puang.
** 15.3.1988--RIT Sipaihovina an tih dan chu Main University school naupangte an lungawi lo. An tih dan chipchiar leh a chhan leh vang kim chang taka hrilh turin an phut. School naupang bila pawl pakhat din ve turin an ngen.
** 16.3.1988--Home minister thu peknain campus chunga school naupang lungawilo inhawrkhawm vel chu sipaiten an hual. Sorkar secretary U Sein Lwina'n aurinna ( speaker ) in sipaiho hnenah chuan " school naupangho kha vaw rawh u, an luahte khan, na takin vaw rawh u " a tih chu zirtirtute pawn an lo hria. School naupang then khat chu an tlan darh hmana Hlaing University lam an pan. Sipaihovin an um hmun pakhatah an umphaka an sawisa. A then an thia, a then an hliam nasa. Zan dar 8:00 Radio atangin sorkarin a ram chunga university awm zawng zawngte tiam chin awm lova khar a nih thu a puang.
** 17.3.1988--School naupanghovin mipui thenkhat nenYangon khawlaiah kawng an zawh.
** 18.3.1988--Kawng zawh chu chhunzawm a ni. Sipaiin an tibuai. Mittui tlakna bom an tidarh. An mana motorah an hnawh. A then an hliam nasa. Hemi tum hian mi 40 chuang an thi.
** 2.4.1988--Kum 1960 atang tawha ram danga awm, a nu dam lohna avangin Pi Suu Kyi-i pawh a lo haw leh zawk. Kum 27 chhungin a vawi 8 rawn haw zawkna a ni.
** 11.4.1988--General Ni Win-a in enkawl tir turin West Germany-ah leh Switzerland ramah a kal.
** 30.5.1988--School khar chu an hawng leh. School naupangin sorkarah ngenna lehkha ziakin lehkha an thehdarh. An ngente chu: ( 1 ) School naupang an man zawng zawng chhuah tur turin ( 2 ) School kai tawh lo tura an hnawhchuah kai tir leh turin ( 3 ) Sorkarin school naupang an tihboral zawng zawng list fel tak nena siama pe turin ( 4 ) School naupang hminga pawl pakhat din phal sak turin.