April 1912-ah Pacific tuifinriat mawnga innghat ta, Titanic lawng thar hlak chuang ve zinga dam la awm chhun an tih a ni. Khatih laia thla 2 mi lek kha tunah chuan kum 96 a ni tawh. Pi Millvina Dean-i (Picture) hian tuna a awmna
Private Nursing Home-a a awm man pek tumin, chutih lai ami a thil la neih a suitcase te leh thil dang a lilam dawn. A suitcase te chu New York atang England-a an hawnin New York mi ten thawmhnaw then khat nen an present mi a ni. An beiseinaah chuan $5,200 hmuh an beisei. Private Nursing Home-a a awm chhan hi thla hnih kal taah khan a tai lam inchuktuah a chiangkuang ta lova, "Ina ka awm a ni thei tawh lo" a tih vanga awm a ni. He ina a room luah man hi kar khatah $1,000 atang $1,550 sen a ngai. A ram sorkarin 'free health care system' an nei na chungin private-ah hian a kimchang deuhva a that deuh zawk vangin a pan.
England atanga USA pan tum Titanic lawngah khan amah Elizabeth Gladys "Millvina" Dean-i, a nu leh a pa, a u mipa kum 2 mi nen an chhungkuain an chuang tel ve. An chhuah atanga a ni lina April 14, 1912 zanah vur tlang an sut avanga lawng pil thei lo tura an ngaih pawh pil ta kha a ni. An vaiin mi 2,200 anni a, nung dama an inchhanchhuah theih zat chu mi 706 chauh an ni. Chhandamna lawng an indaih dawn tak loh avang khan nunau lam an duh sak zawka mi 1,500 chuang thi ta zingah khan a pa pawh a tel ve.
America mi, chu lawnga tel ve (survivor) hnuhnung ber kha, Lillian Asplund a ni a, kum 99 mi niin 2006 khan a boral tawh. Chu lo pakhat leh chu British mi, Barbara Joyce West Dainton a ni a, kum 96 mi niin November 2007 khan a boral tawh bawk. America mi Asplund-a hian a thil neih (chutih laia an thil neih tuna la awm lakkhawm) a zawrh khan US $175,000 aia tam a hmu a ni.
Source: Ap
0 comments:
Post a Comment
Leave a message