Ram dang mi an mawhpuhna avanga tih kiam hna an thawh thin kha kumin atang beihpui an thlak leh dawn ta! Malaysia sorkarin a ram chhunga ram dang mi hna thawk hi kumin chhung hian mi 200,000 thawn haw a tum a ni. Tha hnem leh zawkin kum 2015 thleng khian chhunzawm zel a tum bawk. Passport nena hna thawkte pawh mi thahnem tawk thawn hawn an nei tawha, company tam takin thawn hawn an la tum mek a ni. An sawi danin engmah nei lo leh refugee-te tan a tawrhhlelhawm thei hle a ni awm e. A chhan chu khawlai ilo kal an rin hlelh deuh passport neih leh neih loh an zawta a nei lo an man chu sawi loh zan laiah Rela ten an rinna awm awm kha an luhkhung hmiah hmiah chang a tam vang a ni.
Hetianga an tih chhan ber chu a ram chhungah ram dang mi hna thawk (foreign workers, legal & illegal) an tam avangin thilsual tih (crime) a pun phah, a ram mite tan hna thawh tur a tlem phah, an hnam nun dan a chawhchawrawi phah, zirna run lamah mihring a lutukin (overloading) an awm phah, a ram chhung tan chhiah a awm ve vak loh vang leh HIV a tam phahin a darh zau phah a ni an ti.
Malaysia-ah ram dang hna thawkte hi a bikin Indonesia ram atang te, Philippines ram atang te, India ram atang te, Pakistan ram atang te, Myanmar ram atang te, Nepal ram atang te, Bangladesh ram atangte leh Vietnam ram atang tea rawn kal an ni tlangpui. A tam zawkte chu thiamna nei lo va rawn kalte an bawk. Ram dang atanga rawn kal hna thawk mi tam zawk ten an mitkem ber chu Rela (people's voluntary corps), Immigration Officials leh Royal Malaysian Police-te an ni.
Nitin mai hian International Airport-ah ram dang mi hna thawk tur sangkhat chuangte an rawn thleng thin. Kum tin mi sang tam tak lawngin an thleng thin bawk. Agent atang a ruka thlen hi a tam hle. Malacca-ahte, Kalimantan atang Sabah leh Sarawak-ahte a rukin an lut thin bawk. Mi tam tak chu rubber huan leh hriak (oil palm) huanahte an thawk.
0 comments:
Post a Comment
Leave a message